Dlo an zyé,
Dlo an kè...

Dada ou pati,
Ou lésé lavi,
Pou woujwenn paradi...

Pas' sé yenki koté la sa,
Wout' aw pé ménéw...
Pas' sé yenki pil jwa,
Si wout' aw ou té ka simé...

    ***
Dlo an zyé,
Dlo an kè...

Lanmou é plézi lavi,
Ou chèché lésé kotésit,
Lannuit kon jou, minit' apwé minit'...

Pas' sété mésaj la sa,
Ou té enmé ban mwen...
Pas' sa ou té vlé pou mwen,
Sé té plis bonè é plis boté an vi la sa...

    ***
Dlo an zyé,
Dlo an kè...

Té ka arété koulé,
Chak fwa nou jwenn, ka koutéw palé,
Chak fwa si MSN, ka éséyé dékodéw...

Pas' ou té sav pòté si mwen,
On bèl bitin...
Pas' lè ou té ka kriyé mwen,
Ri tou sèl, an té sa fè...

    ***
Dlo an zyé,
Dlo an kè...

Dé lè ké arété koulé,
Pou lésé limyè antré,
Pou kléré, kléré, kléré...

Pas' ou di mwen "Enmé, respèkté é gadé èspwa"
Pou kontinyé vansé,
La an yé... la ou yé, anbala...
Adan ti gwada nou telman enmé...

    ***
Dlo an zyé,
Dlo an kè...

Dòt lè ké wouparèt si jou an mwen,
Pou tranpé lèv an mwen,
Pou rafréchi lanm an mwen...

Pas' chak fwa mwen ka sonjéw,
Sé dousè ki té dan zyéw,
konsaéla an ka santi andidan,
Ka oblijé mwen éséyé fè douvan...

    ***
Dlo an zyé,
Dlo an kè....

Ké sa divini

Dlo plézi é jwa,
Dlo la vi...

Pas' ou di nou "Viv' vi la!!"
Pas' ou la pou mwen, pou nou,
Mèm jan la ou toujou rété la pou mwen, pou nou...

Alò Mèsi On Pil...
E pa pè vin piché mwen lannuit',
Siw ka vwè mwen ka pèd on fil !!
                                                            Lov' forever...